SAMBUTAN PADA
ACARA KHITANAN
Assalamu’alaikum
Warohmatullahi Wabarakatuh
Kula Nuwun !
Katur bapak KH Taufiq
ingkang kawula hormati, para alim ulama ingkang kula ta’ati, lan para undangan
sekaliyan ingkang kawula hormati. Kaping sepindah mangga panjataken puji syukur
dhumateng Allah SWT, ingkang sampun nyukani rahmat, taufiq lan hidayah
dhumateng sederek sedaya. Hingga wekdal sakniki kula saged ngrawuhi ulemipun
Ibu/Bp Udin ingkang sampun ngitanaken putranipun ingkang asma Dedi Wijaya.
Mugi-mugi putra kang mantun dikhitan cepat saras, amin.
Kula makili Ibu/Bp
Udin kaping setunggal nyampaikaken matur kesuwun kang agem dhumateng para
undangan sedaya, ingkang saged ngrawuhi ulemipun Ibu/Bp Udin. Kula atas nami
shahibul hajjah mboten saged nyukani punapa-napa, mugi-mugi Allah maringi
barokahipun para sederek sedaya.
Kaping kalihipun
Ibu/Bp Udin nyuwun pandonganipun sederek sedaya, mugi-mugi putra kang dikhitan
dados putra kang sholeh, taat marang Allah SWT, bekti marang tiyang sepahipun kekalih.
Kaping tiga Ibu/Bp Udin
sekeluarga nyuwun gung e pangapunten mbok bilih wonten kekiranganipun pasugatan
punika. Antawisipun panggenan, ingkang kirang cocok ing manah panjenengan
sedaya.
Ingkang
pungkasan kula pribadi kang mewakili Ibu/Bp Udin mbok bilih wonten
kekiranganipun, anggene kula nyampaikaken sambutan wau. Kula nyuwun gung e
pangapunten.
Akhirulkalam,
bilahit taufik wal hidayah.
Wassalamu’alaikum
Warohmatullahi Wabarakatuh
0 comments:
Post a Comment